নিয়মীয়া বাৰ্তা ২৮ জুলাইঃ লাডাখত চীনৰ আগ্রাসনক লৈ সৰৱ হৈ থকা কংগ্রেছৰ প্রাক্তন সভাপতি তথা সাংসদ ৰাহুল গান্ধীয়ে সোমবাৰে পুনৰ ভিডঅ’’ বার্তাযোগে মোদী চৰকাৰক কঠোৰ ভাষাৰে সমালোচনা কৰে৷ ভিডিঅ’ বার্তাটোত ৰাহুল গান্ধীয়ে কয়, ‘এগৰাকী ভাৰতীয় হিচাপে দেশ আৰু ইয়াৰ জনতাৰ মোৰ এক নম্বৰ প্রাধান্য৷ গতিকে এতিয়া এই কথা স্পষ্ট যে আমাৰ ভূমিখণ্ডত চীনে প্রৱেশ কৰিছে৷’ তদুপৰি মোদী চৰকাৰক সমালোচনা কৰি গান্ধীয়ে কয়, ‘মই কোনো চিন্তা নকৰোঁ৷ যদি মোৰ সমগ্র ৰাজনৈতিক কেৰিয়াৰ ডুবিও যায়৷ কিন্তু মই মিছা নকওঁ৷ ভাৰতীয় ভূমিখণ্ডৰ বিষয়ে কৈয়ে যাম৷’ ইপিনে গান্ধীৰ ভিডি’ বার্তাৰ পাছতে বিজেপিয়ে প্রতিক্রিয়া ব্যক্ত কৰি কয় যে ইতিমধ্যে ৰাহুল গান্ধীৰ ৰাজনৈতিক কেৰিয়াৰ প্রায় ধ্বংস হৈছে৷ আজিৰ ভিডি’টোৱে নেতাগৰাকীৰ ভৱিষ্যৎ যে নাই সেই কথা দেশবাসীয়ে জানিব পাৰিলে৷