বিশেষ বাৰ্তা, ১৬ মাৰ্চঃ শ্বহীদ ভগত সিঙৰ বাসন্তী ৰঙৰ পাগুৰিৰে আজি বাসন্তী বৰণীয়া হৈ উঠিল সকলো পাঞ্জাবী। পাঞ্জাবৰ মুখ্যমন্ত্ৰী হিচাপে শপতগ্ৰহণ কৰিলে ভগৱন্ত মানে। মুক্তিযুঁজাৰু শ্বহীদ ভগত সিঙৰ জন্ম গাওঁ খটকৰ কলনত আয়োজন কৰা বিশাল শপতগ্ৰহণ অনুষ্ঠানত দিল্লীৰ মুখ্যমন্ত্ৰী অৰবিন্দ কেজৰিৱাল আৰু আন আন আপৰ নেতৃত্বৰ উপস্থিতিত মানে শপত লয়। অনুষ্ঠানত সকলোকে আহিবলৈ নিমন্ত্ৰণ দিছিল নৱনিৰ্বাচিত মুখ্যমন্ত্ৰীজনে। আৰু অনুষ্ঠানলৈ অহা সকলো লোকে হালধীয়া পাগুৰি মেৰিয়াই অংশ গ্ৰহণ কৰিলে। শপত লৈ উঠি মানে বিশাল জনতাক সম্বোধন কৰি কয় যে ‘উধতা পাঞ্জাব’ নহয়, ‘বধতা পাঞ্জাব’ হিচাপে এতিয়াৰে পৰা পাঞ্জাবৰ নতুন ইতিহাস ৰচনা হ’ব।