বিশেষ বাৰ্তা, ১২ মেঃ চীনত পুনৰ বিমান দূৰ্ঘটনা। যাত্রীভৰ্তি বিমান এখন আকাশত উৰাৰ আগ মুহূৰ্তত ৰানৱেত পিছলি পৰে। লগে লগেই তাত জুঁই জ্বলি উঠে। ক’লা ধোঁৱাই ঢাকি ধৰে চৌপাশ। চীনৰ ছং কিং আন্তর্জাতিক বিমান বন্দৰৰ এই ঘটনাৰ ভিডিঅ’ই চৌদিশে আতংকৰ সৃষ্টি কৰিছে। অৱশ্য়ে বিমানৰ যাত্রীসকলৰ গাত আঁচোৰো লগা নাই বুলি জানিব পৰা গৈছে। দুর্ঘটনাগ্রস্ত বিমানখনৰ পৰা নিৰাপদেই বাচি ওভতিছে তেওঁলোক। দুর্ঘটনাগ্রস্ত বিমানখন এটা তিব্বতী বিমান প্ৰতিষ্ঠানৰ। বৃহস্পতিবাৰে পুৱা চালকসহ ১১৩ জন আৰোহীক লৈ উৰাৰ চেষ্টা কৰিছিল বিমানখনে। ৰানৱেত উৰাৰ সময়তে হঠাৎ পিছলি যায় বিমানৰ চকা।