নিয়মীয়া বাৰ্তা ২৯ জুলাইঃ ক’ৰোনা কেৱল মানৱ দেহত বিয়পিছে এনে নহয়। ইংলেণ্ডত মহামাৰী ক’ভিড–১৯এ ভয়াৱহ ৰূপ ধাৰণ কৰাৰ পিছত ঘৰচীয়া মেকুৰীৰ দেহত ক’ৰোনা পজিটিভ নিশ্চিত হোৱাত চৰকাৰ উদ্বিগ্ণ হৈছে৷ ব্রিটিছ পৰিৱেশ মন্ত্রালয়ে প্রকাশ কৰা মতে ঘৰচীয়া মেকুৰী এটা ক’ভিড–১৯ত আক্রান্ত হোৱাটো নিশ্চিত হৈছে৷ মেকুৰীটো পোহা ঘৰৰ মালিকৰ দেহত ক’ভিড–১৯ প’জিটিভ হোৱাৰ বাবেই এই সংক্রমণ মেকুৰীটোলৈ আহিছে৷ সম্প্রতি মেকুৰীটো আৰু মেকুৰীটো পোহা ঘৰৰ মালিক ক’ভিড–১৯ৰ পৰা মুক্ত হৈছে৷ ইংলেণ্ডৰ জনস্বাস্থ্যৰ চিকিৎসা সঞ্চালক ৱাই ডয়লে প্রকাশ কৰা মতে গ্রেট ব্রিটেইনত ঘৰচীয়া মেকুৰী আক্রান্ত হোৱা প্রথম ঘটনা৷ ইয়ে বিপদ সংকেত ঘনীভূত নকৰা বুলি ক’ব নোৱাৰি৷