নিয়মীয়া বাৰ্তা, ২১ জানুৱাৰীঃ অযোধ্যাৰ ৰাম মন্দিৰ নির্মাণৰ বাবে ১ কোটি টকা দান কৰিলে বিজেপি সাংসদ তথা জাতীয় দলৰ প্রাক্তন ক্রিকেটাৰ গৌতম গম্ভীৰে। ভাৰতৰ প্রাক্তন অপেনাৰগৰাকীয়ে ক্ৰিকেট জীৱনৰ পৰা অৱসৰ লোৱাৰ পিছত বিজেপিত যোগ দিয়ে ২০১৯ত। পূব দিল্লীৰ পৰা তেওঁ সাংসদ হয়।
ৰাম মন্দিৰৰ বাবে সাহায্য প্ৰদান কৰি গম্ভীৰে কয়- ‘সকলো ভাৰতীয়ৰ স্বপ্ন আছিল ৰাম মন্দিৰ। শেষ পর্যন্ত ই নিৰ্মাণ হব গৈ আছে। মোৰ বিশ্বাস একতা আৰু প্রশান্তিৰ পথে ডাঙৰ ভূমিকা পালন কৰিব ৰাম মন্দিৰে। আমাৰ পৰিয়ালৰ পক্ষৰ ফালৰ পৰা এটা সৰু অনুদান থাকিল।’