নিয়মীয়া বাৰ্তা ১৫ আগষ্টঃ আজি দেশে উদযাপন কৰিছে ৭৪ সংখ্যত স্বাধীনতা দিৱস। দেশৰ প্ৰধানমন্ত্ৰী নৰেন্দ্ৰ মোডীয়ে ৭৪ সংখ্যক স্বাধীনতা দিৱস উপলক্ষে লালকিল্লাৰ পৰা দেশবাসীক সম্বোধন কৰে ৷
এই উপলক্ষ্যে গুগলে প্ৰস্তুত কৰিলে ডুডল (Google Doodle) । গুগলে নিজৰ বিশেষ ডুডলত ভাৰতীয় কলা আৰু সংগীতক মুম্বাইৰ শিল্পী শচিন ঘেৰকৰৰ দ্বাৰা প্ৰস্তুত কৰিছে । ইয়াৰ দ্বাৰা গুগলে ভাৰতীয় সংগীতৰ পৌৰাণিক ধাৰাক প্ৰতিফলিত কৰিছে ।
উল্লেখ্য যে প্ৰধানমন্ত্ৰী নৰেন্দ্ৰ মোদীয়ে এইবাৰ সপ্তমবাৰলৈ লালকিল্লাত ৰাষ্ট্ৰীয় পতাকা উত্তোলন কৰে । লগতে প্ৰধানমন্ত্ৰীগৰাকীয়ে ভাষণৰ জৰিয়তে কৰোনা ভাইৰাছত প্ৰাণ হেৰুওৱা লোকসকলক স্মৰণ কৰে ৷ লগতে এই যুঁজত সন্মুখৰ পৰা নেতৃত্ব দিয়া যোদ্ধাসকলক চিকিৎসক, নাৰ্চ, স্বাস্থ্য কৰ্মীসকলক কৃতজ্ঞতা জ্ঞাপন কৰে মোডীয়ে ৷