নিয়মীয়া বাৰ্তা ৮ ছেপ্টেম্বৰঃ ভাৰত-চীন সীমান্তত পৰিস্থিতি বৰ্তমান উত্তেজনাময়। যোৱা নিশা নিয়ন্ত্ৰণ ৰেখাত চীনৰ তৰফৰ পৰা গুলীওৱাৰ খবৰ পোৱা গৈছে। চীনা সৈন্যৰ এই কাৰ্যৰ উত্তৰ ভাৰতীয় সেনায়ো গুলীৰে দিছে। এই সন্দৰ্ভত ভাৰতীয় সেনাই এক প্ৰেছ বিজ্ঞপ্তি জাৰি কৰিছে। ভাৰতীয় সেনাৰ মতে ভাৰতে নিয়ন্ত্ৰণ ৰেখাত পৰিস্থিতি নিয়ন্ত্ৰণ কৰিবলৈ চেষ্টা কৰিছে, কিন্তু চীনে উত্তেজনা বৃদ্ধি কৰি আছে।
আনহাতে বেইজিঙে অভিযোগ কৰে যে ভাৰতীয় সেনাই নিয়ন্ত্ৰণ ৰেখা পাৰ হৈ চীনা সীমান্তত স্থিতি লৈছে। অৱশ্যে ভাৰতীয় সেনাই ইয়াক নস্যাৎ কৰিছে। ভাৰতীয় সেনাই জানিবলৈ দিয়ে যে ভাৰতে নিয়ন্ত্ৰণ ৰেখা অতিক্ৰম কৰা নাই আৰু কোনো ধৰণৰ উত্তেজনাময় পৰিৱেশ সৃষ্টি কৰা নাই।