নিয়মীয়া বাৰ্তা, ১৫ জানুৱাৰীঃ তেওঁ মুম্বাইৰ গ্লেমাৰ জগতৰ ‘কৌতুক অভিনেতা’। সকলোকে তেওঁৰ কথাত হাঁহিবলৈ বাধ্য কৰাই তেওঁ। বিভিন্ন সময়ত বিতৰ্কতো নাম সাঙুৰ খাই পৰে তেওঁৰ। এইসকলো সামৰি এইবাৰ ৰূপালী পৰ্দাত দেখিবলৈ পোৱা যাব জনপ্ৰিয় কৌতুক অভিনেতা কপিল শৰ্মাৰ বায়’পিক। খবৰ অনুসৰি বলীউডৰ জনপ্ৰিয় কৌতুক অভিনেতাজনৰ জীৱনীমূলক ছবি নিৰ্মাণ কৰি থকা হৈছে। নামটো হ’ব ‘ফংকাৰ’।
মৃগদীপ সিং লাম্বাৰ দ্বাৰা পৰিচালিত ছবিখন লাইকা প্ৰডাকচনৰ মহাবীৰ জৈনে প্ৰযোজনা কৰিছে। তেওঁ আগতে ‘ফুক্ৰে’ ছবিখন পৰিচালনা কৰিছিল। এইবাৰ কপিল শৰ্মাৰ জীৱন কাহিনী (কপিল শৰ্মাৰ বায়োপিক) এখন ছবিৰ ৰূপত দৰ্শকৰ আগত উপস্থাপন কৰা হ’ব। য’ত নিজৰ চৰিত্ৰত নিজেই অভিনয় কৰিব জনপ্ৰিয় কৌতুক অভিনেতাজনে।
View this post on Instagram