বিশেষ বাৰ্তা, ১৮ এপ্ৰিলঃ সংবাদ শিৰোনামত অভিনেতা আৰ মাধৱন। সেই ধুনীয়া হাঁহিমুখীয়া অভিনেতাজন আজি গৌৰৱিত পিতৃ। চৌদিশে চৰ্চাত তেওঁৰ পুত্ৰৰ সফলতাৰ কাহিনী। তেওঁৰ পুত্ৰ বেদান্ত মাধৱনে ডেনিছ অ’পেন ২০২২ ত দেশৰ হৈ প্ৰতিনিধিত্ব কৰি দুটাকৈ পদক লাভ কৰিছে। কালি সাঁতোৰত সোণৰ পদক লাভ কৰিবলৈ সক্ষম হৈছে নাধৱনৰ পুত্ৰই। বেদান্তে ৮০০ মিটাৰত এই সাফল্য অৰ্জন কৰিছে। বেদান্তৰ অভিনেতা পিতৃয়ে ইনষ্টাগ্ৰামত এটি ভিডিঅ’ ক্লিপ শ্বেয়াৰ কৰি সকলোকে এই গৌৰৱৰ খবৰ দিছে। শণিবাৰে মাধৱনৰ পুত্ৰই সাঁতোৰৰ আন এক প্ৰতিযোগিতাত ৰূপৰ পদক লাভ কৰিছে। উল্লেখনীয় যে, অভিনেতা পুত্ৰই বহু আন্তৰ্জাতিক সাঁতোৰ প্ৰতিযোগিতাত ভাৰতৰ হৈ প্ৰতিনিধিত্ব কৰি আহিছে। ব্ৰঞ্জৰ পৰা সোণলৈ তেওঁ বিভিন্ন শাখাত বহু পদক অৰ্জন কৰিছে।