নিয়মীয়া বাৰ্তা, ৩০ ডিচেম্বৰঃ ভাৰতীয় ক্ৰিকেটৰ প্ৰাক্তন ক্ৰিকেটাৰ মহম্মদ আজহাৰউদ্দিন দুৰ্ঘটনাত পতিত হয়। ৰাজস্থানলৈ নৱবৰ্ষ উদযাপনৰ বাবে আহি থকা অৱস্থাত লালচোট কোটাৰ ৰাষ্ট্ৰীয ঘাইপথত তেওঁ গাড়ী নিয়ন্ত্ৰণ হেৰুৱাই সোমাই যায় এখন ধাবাত।
দুৰ্ঘটনাৰ ফলত ক্ৰিকেটাৰগৰাকীৰ প্ৰাণৰক্ষা পৰে যদিও তেওঁৰ লগত অহা এগৰাকী লোক সামান্য পৰিমাণে আহত হয়। আনহাতে ধাবাত কাম খৰি থকা এগৰাকী যুৱকো আহত হয়। হঠাতে হোৱা ঘটনাটোৰ পিছতে মানুহৰ জুম বান্ধে আৰু গাড়ীত প্ৰাক্তন ক্ৰিকেটাৰগৰাকীক দেখি সকলোৱে সহায়ৰ হাত আগবঢ়ায়।
কিছু সময় পিছতে আন এখন গাড়ীৰে ক্ৰিকেটাৰগৰাকীক গন্তব্যস্থানলৈ পঠিয়াই দিয়া হয়। উল্লেখ্য, ৰাজস্থানৰ ৰণথম্ভোৰত নৱবৰ্ষ উদযাপন কৰিব আজহাৰউদ্দিনে।