নিয়মীয়া বাৰ্তা, ৩ ফেব্ৰুৱাৰী : ভাৰত তথা বিশ্বৰ ধনাঢ্য ব্যক্তি মুকেশ আম্বানিৰ ঘৰত নতুন আলহীৰ প্ৰৱেশ ঘটিছে। সেই অনুসৰি আমেৰিকাৰ ৰাষ্ট্ৰপতিৰ দৰে ক্ষমতাশালী ব্যক্তিয়ে ব্যৱহাৰ কৰা এখন বিলাসী SUV বাহন ক্ৰয় কৰে আম্বানিয়ে।
আম্বানিৰ ঘৰত ইতিমধ্যে বহু বিলাসী বাহনৰ কালেকচন থকাৰ পিছত এই বিলাসী বাহনখন ক্ৰয় কৰি গাড়ী-বিলাসী মনৰ পৰিচয় দিছে আম্বানি পৰিয়ালে। উল্লেখ্য যে এই ধৰণৰ গাড়ী ভাৰতত সাধাৰণতে বিক্ৰী কৰা নহয় কিয়নো এই ধৰণৰ গাড়ী বিশেষভাৱে বিশেষ ব্যক্তিৰ বাবেহে নিৰ্মাণ কৰা হয়।
শুনি আচৰিত হব যে আম্বানিৰ ঘৰত ইতিমধ্য়ে জিঅ গেৰেজ, জাগুৱাৰ আৰু ৰভাৰ, টেছলা, লেম্বৰগিনি আৰু ৰলছ ৰয়জৰ দৰে অতি দামী তথা বিলাসী গাড়ী আছেই। উল্লেখ্য যে SUV Cadillac Escalade গাড়ীখন আমেৰিকাৰ ৰাষ্ট্ৰপতিৰ দৰে ক্ষমতাশালী ব্যক্তিয়েহে সাধাৰণতে ব্যৱহাৰ কৰে।
নতুনকৈ ক্ৰয় কৰা গাড়ীখনৰ ৰং হল ছিলভাৰ। Cadillac OLED Display ব্যৱস্থাযুক্ত গাড়ীখনৰ ভিতৰত ৩৮ ইঞ্চিৰ স্মাৰ্ট টিভিৰ ব্যৱস্থাও আছে। ইয়াৰ পূৰ্বে জেনিফাৰ লোপেজে এই গাড়ীখন ব্যৱহাৰ কৰিছিল ২০০২ চনত।