নিয়মীয়া বাৰ্তা, ১৯ নৱেম্বৰঃ চলিত বর্ষৰ ন’বেল শান্তি বঁটাৰ বাবে নির্বাচিত হোৱা বিশ্ব খাদ্য আঁচনি (ডব্লিউএফপি)ৰ মুৰব্বীয়ে ক’ৰোনা ভাইৰাছ মহামাৰীৰ বাবে নৰৱেৰ অ’ছলোত এই বঁটা গ্রহণ কৰিবলৈ সক্ষম নহ’ব৷ ডব্লিউ এফ পিৰ মুৰব্বী ডেভিদ বিছলীয়ে এই বঁটা নৰৱেৰ ন’বেল ইনষ্টিটিউটৰ পৰা আনুষ্ঠানিকভাৱে সোঁশৰীৰে গ্রহণ কৰাৰ কথা আছিল যদিও এয়া সম্ভৱ হৈ নুঠিল৷
স্মর্তব্য যে বিশ্বজুৰি ক্ষুধা প্রতিৰোধ আৰু সংঘর্ষজর্জৰ অঞ্চলসমূহৰ পৰিস্থিতি উন্নত কৰাৰ ক্ষেত্রত লোৱা ভূমিকাৰ বাবে চলিত বর্ষত ন’বেল শান্তি বঁটাৰ বাবে নির্বাচিত কৰা হৈছে ডব্লিউ এফ পিক৷ প্রতি বছৰে ১০ ডিচেম্বৰত ন’বেল বঁটাৰ প্রতিষ্ঠাতা আলফ্রেড ন’বেলৰ মৃত্যু বার্ষিকীত এই বঁটা অ’ছলোত আনুষ্ঠানিকভাৱে প্রদান কৰা হয়৷