নিয়মীয়া বাৰ্তা, ২৪ ডিচেম্বৰ: মহাৰাষ্ট্ৰৰ ৰাজধানী মুম্বাইৰ লোয়াৰ পাৰেল অঞ্চলত এগৰাকী ১৫ বছৰীয়া নাবালিকাৰ সৈতে দলবদ্ধ ধৰ্ষণৰ ঘটনা পোহৰলৈ আহিছে। দলবদ্ধ ধৰ্ষণৰ এই বেদনাদায়ক গোচৰত মুম্বাই আৰক্ষীয়ে ৬জন লোকৰ বিৰুদ্ধে গোচৰ ৰুজু কৰিছে। চাঞ্চল্যকৰ কথাটো হ’ল ছয়জন অভিযুক্তৰ ভিতৰত ৩জন অভিযুক্তই নাবালক। আনহাতে তিনিজন অভিযুক্ত প্ৰাপ্তবয়স্ক, যিসকলক আৰক্ষীয়ে গ্ৰেপ্তাৰ কৰিছে। নাবালিকা তিনিজন অভিযুক্তক মুম্বাই আৰক্ষীয়ে ডংৰি অঞ্চলত অৱস্থিত শিশু সংস্কাৰ গৃহলৈ স্থানান্তৰিত কৰিছে। এই বিষয়ত মুম্বাই আৰক্ষীৰ তদন্ত অব্যাহত আছে।
নাবালিকা যুৱতীগৰাকীৰ এই ধৰ্ষণৰ গোচৰত মুম্বাই আৰক্ষীয়ে জনাইছে যে ভাৰতীয় দণ্ডবিধিৰ ৩৭৬ (ডি এ)(২)(এন), ১১৪ আৰু ৩৪ ধাৰা আৰু পি অ’ চি এছ অ’ৰ ৪, ৫, ৬ ধাৰা পঞ্জীয়ন কৰা হৈছে ধাৰা ৮, ১০, ১২, ১৭ৰ অধীনত গোচৰ ৰুজু কৰা হৈছে। ইয়াৰে বহু ধাৰা জামিনহীন। এই ঘটনা সন্দৰ্ভত মুম্বাই আৰক্ষীৰ জ্যেষ্ঠ আৰক্ষী বিষয়া সুনীল চন্দ্ৰমোৰ আৰু এন এম যোশীয়ে জনোৱা মতে, শুকুৰবাৰে তিনিজন শিশু অভিযুক্তক আদালতত হাজিৰ কৰা হয়। ৩০ ডিচেম্বৰলৈ তিনিওজনকে আৰক্ষীৰ জিম্মালৈ প্ৰেৰণ কৰিছে আদালতে।