নিয়মীয়া বাৰ্তা ১২ জানুৱাৰীঃ কেন্দ্রীয় মন্ত্রী শ্রীপদ নাইক কালি এক ভয়ংকৰ পথ দুর্ঘটনাত গুৰুতৰভাৱে আঘাতপ্রাপ্ত হৈছে৷ কর্ণাটকৰ উত্তৰ কানাড়া জিলাৰ অনকলা অঞ্চলত সন্ধিয়া সংঘটিত পথ দুর্ঘটনাটোত কেন্দ্রীয় ৰাজ্যিক আয়ুস আৰু প্রতিৰক্ষামন্ত্রীগৰা পত্নী বিজয়া নাইক থিতাতে নিহত হয়৷ গুৰুতৰভাৱে আঘাতপ্রাপ্ত শ্রীপদ নাইক সম্প্রতি গোৱা মেডিকেল কলেজত চিকিৎসাধীন হৈ আছে৷
কেন্দ্রীয় মন্ত্রীজনক কঢ়িয়াই নিয়া টয়’টা বাহনখনে এডাল গছত খুন্দা মৰাত এই ভয়ংকৰ দুর্ঘটনা সংঘটিত হয়৷ প্রধামন্ত্রী নৰেন্দ্র মোদীয়ে শ্রীপদ নাইকৰ উন্নত চিকিৎসা নিশ্চিত কৰা সন্দর্ভত গোৱাৰ মুখ্যমন্ত্রী প্রমোদ সাৱন্তৰ সৈতে বার্তালাপ কৰিছে৷