নিয়মীয়া বাৰ্তা, ২৯ জুনঃ বলীউডৰ প্রতিভাৱান অভিনেতা সুশান্ত সিং ৰাজপুতৰ মৃত্যুক উৎসৱ কৰা অনুচিত বুলি মিডিয়াক আহ্বান জনালে শিৱসেনাৰ নেতা তথা সাংসদ সঞ্জয় ৰাউটে৷ প্রতিভাৱান অভিনেতাগৰাকীৰ আত্মহননক হত্যা বুলি একাংশ মিডিয়াত চর্চিত বাতৰিক সমালোচনা কৰি সাংসদগৰাকীয়ে কয় যে ব্যর্থতাৰ শংকাত পৰিয়েই অভিনেতা গৰাকীয়ে আত্মহননৰ পথ বাছি লৈছে৷ তেওঁক হত্যা কৰা নাছিল৷ তদুপৰি নেতাগৰাকীয়ে কেইজনমান লোকৰ দ্বাৰাই চলচ্চিত্র উদ্যোগটি চলি থকা নাই বুলিও কয়৷