সুশান্ত ৰাজপুতৰ মৃত্যুৰ এদিন পাছতেই বৌয়েকৰো মৃত্যু

নিয়মীয়া বাৰ্তা, ১৬ জুনঃ অভিনেতা সুশান্ত সিং ৰাজপুতৰ মৃত্যুৰ ২৪ ঘণ্টাৰ পাছতেই মৃত্যুক আকোৱালি ল’লে সুশান্তৰ বৌয়েকে ।

প্ৰাপ্ত খবৰ অনুসৰি, সুশান্তৰ আত্মহত্যাৰ খবৰ পাই সুশান্তৰ বৌয়েক সুধা দেৱী হতবাক হৈ পৰিছিল আৰু শোকত ভাগি পৰি তেওঁ খোৱা-শুৱা বাদ দিছিল । যাৰ পাছতে সোমবাৰে মুম্বাইত সুশান্তৰ অন্তেষ্টিক্রিয়া সম্পন্ন হোৱাৰ সময়তে বিহাৰত তেওঁৰ বৌয়োকৰো মৃত্যু ঘটে ।

সুশান্তৰ বৌয়েক সুধা দেৱীৰ পূৰ্বৰ পৰায়ে স্বাস্থ্যৰ অৱস্থা উন্নত নাছিল যদিও সুশান্তৰ মৃত্যুৰ খবৰ পাই খোৱা শুৱা এৰিছিল । যাৰবাবে সুধা দেৱীৰ স্বাস্থ্য আৰু অধিক অৱনতি ঘটে ।

উল্লেখ্য যে সুধা দেৱীৰ দেওবাৰে বাৰে বাৰে মূৰ ঘূৰাই সংজ্ঞাহীন হৈ পৰিছিল । ২৪ ঘণ্টা নোখোৱাকৈ থকাৰ পাছতে তেওঁ সুশান্তৰ অন্তিম সংস্কাৰৰ সময়তে জীৱন ত্যাগ কৰে ।