নিয়মীয়া বাৰ্তা
অসমৰ সৰ্বাধিক প্ৰচলিত দৈনিক বাতৰিকাকত

পাইলটৰ কফিনত পৰি কান্দোন তৰুণীৰ

🔹 বাগদানৰ পাছতে গুজৰাটৰ বিমান দুর্ঘটনাত মৃত্যু

নিউজ ডেস্ক, ৫ এপ্রিল : কৈ গৈছিল ভাবীপত্নীক নিবলৈ আহিব৷ কিন্তু সেই কথা কথা হিচাপেই থাকি গ’ল৷ ঘূৰি আহিল ঠিকেই, কিন্তু কফিনবন্দী হৈ৷ সেই কফিন আঁকোৱালি ধৰি হিয়া ঢাকুৰি কান্দিলে তৰুণীয়ে৷ হাৰিয়ানাৰ ৰেৱাড়িৰ যাদৱ পৰিয়ালত এতিয়া শোকাকুল পৰিৱেশ৷ কাৰণ পৰিয়ালৰ সন্তান সিদ্ধার্থ যাদৱৰ মৃত্যু হৈছে যুদ্ধবিমান দুর্ঘটনাত৷ কালি গাঁৱৰ বাসগৃহলৈ কফিনত কঢ়িয়াই অনা হৈছে সিদ্ধার্থৰ মৃতদেহ৷ সিদ্ধার্থক শেষবাৰৰ বাবে দেখা কৰিবলৈ উপস্থিত হৈছিল আত্মীয় তথা গাঁৱৰ বাসিন্দাসকল৷ মানুহৰ ভিৰৰ মাজতে কান্দোনৰ ৰোল উঠিছিল৷ এজনী তৰুণীয়ে সেই কফিন আঁকোৱালি লৈ হুকহুকাই কান্দি আছিল৷ ২৩ মার্চত বাগদান প্রক্রিয়া সম্পন্ন হৈছিল সিদ্ধাৰ্থ আৰু ছোনিয়াৰ৷ ২ এপ্রিলত গুজৰাটৰ জামনগৰৰ বিমান দুর্ঘটনাত মৃত্যু হয় সিদ্ধার্থৰ৷ এই মৃত্যু ছোনিয়াৰ বাবে অসহনীয়৷ ছোনিয়াৰ হিয়াভঙা কান্দোনত চকু সেমেকি গ’ল উপস্থিতসকলৰো৷

You might also like