নিয়মীয়া বাৰ্তা ২ নৱেম্বৰঃ ৰাষ্ট্রপতি নির্বাচনৰ প্রচাৰ অভিযানত উত্তাল হৈ থকা আমেৰিকাৰ অ’হি’ প্রদেশত আজি পিতৃৰ হৈ প্রচাৰত নামিছে ড’নাল্ড ট্রাম্পৰ দুহিতা ইভানকা৷ ৩ নৱেম্বৰত হ’বলগীয়া ৰাষ্ট্রপতি নির্বাচনৰ প্রচাৰ চলাই অন্যতম বেটেলগ্রাউণ্ড হিচাপে চিহ্ণিত ইভানকাই মন্তব্য কৰিছে যে ড’নাল্ড ট্রাম্প এগৰাকী যোদ্ধা৷ গতিকে ৰাষ্ট্রপতি হিচাপে তেওঁক পুনৰ চাৰিটা বছৰ সুযোগ দিয়া উচিত৷ বিগত চাৰিটা বছৰত আমেৰিকাক সঠিক পথেৰে আগবঢ়াই নিয়া বুলি উল্লেখ কৰি পিতৃবন্দনা কৰা ইভানকাই এইবুলিও মন্তব্য কৰিছে যে এনে এগৰাকী যোদ্ধাক পুনৰ এটা কার্যকালৰ সুযোগ দিয়া উচিত দেশবাসীয়ে৷ ইভানকাৰ মতে বিগত কেইবাটাও দশকত আমেৰিকাবাসীয়ে যি প্রগতি লাভ কৰা নাছিল সেয়া ৪টা বছৰত সম্ভৱ হৈছে৷