বিশেষ বাৰ্তা, ২৬ফেব্ৰুৱাৰীঃ আমেৰিকাৰ প্ৰস্তাৱ নাকচ কৰিছে ইউক্ৰেইনী ৰাষ্ট্ৰপতি ভলোডিমিৰ জেলেনস্কিয়ে। ৰুছ সেনাই ৰাজধানী কিয়েভ আগুৰি ধৰাৰ সময়ত আমেৰিকাই ৰাজধানী খালী কৰি দেশ এৰিব কৈছে জেলেনস্কিক। এছোচিয়েটেড প্ৰেছৰ পৰা প্ৰকাশ হোৱা খবৰ অনুসৰি জেলেনস্কিয়ে উত্তৰত কৈছে যে তাত যুঁজ লাগি আছে, তেওঁক গোলা-বাৰুদৰ সহায়হে লাগে, পলাই যাবলৈ বাহন নালাগে। উল্লেখনীয় যে, ৰাছিয়াৰ ৰাষ্ট্ৰপতি ভ্লাডিমিৰ পুটিনে পশ্চিম বিশ্বৰ পৰা সকীয়নি, নিষেধাজ্ঞা লাভ কৰি থকাৰ পাছতো ৰুছ সেনাই কিয়েভ ঘেৰি পেলাইছে আৰু আগুৱাই গৈয়ে আছে।