নিয়মীয়া বাৰ্তা ১৬ অক্টোবৰঃ চন্দালউড ড্রাগ্ছৰ গোচৰত বাংগালুৰু আৰক্ষীৰ কেন্দ্রীয় অপৰাধ শাখাই (চিচিবি) বলীউডৰ অভিনেতা বিবেক অবেৰয়ৰ ঘৰত তালাচী চলায়৷ বিবেকৰ ভনীজোঁৱাই আদিত্য আলভাৰ বিৰুদ্ধে চি চি বিয়ে ইতিমধ্যে লুকআউট জাননী জাৰি কৰিছে৷
বিবেক অবেৰয়ৰ বর্তমান মুম্বাইত থকা বাসগৃহত পূর্বতে বাস কৰিছিল আদিত্য আলভাই৷ গতিকে চি চি বিয়ে এই বাসগৃহত আজি তালাচী চলায়৷ স্মর্তব্য যে আদিত্য আলভা বর্তমান পলাতক অৱস্থাত আছে৷ সংবাদ সংস্থা আই এ এন এছৰ প্রতিবেদন অনুসৰি এই ড্রাগ্ছৰ গোচৰত দক্ষিণৰ অভিনেত্রী ৰাগিনী বিবেগীৰ বাসগৃহত চি চি বিয়ে তালাচী চলোৱাৰ পাছৰে পৰা আদিত্য আলভা পলাতক অৱস্থাত আছে৷