বিশেষ বাৰ্তা, ২ ডিচেম্বৰঃ দিল্লীৰ বেয়া বতৰে ৰাজধানীৰ বিমান সেৱাত প্ৰভাৱ পেলাবলৈ আৰম্ভ কৰিছে। আজি পুৱা দিল্লীৰ বেয়া বতৰৰ বাবে কমেও ১৮খন বিমানৰ পথ দিল্লী বিমানবন্দৰৰ পৰা ডাইভাৰ্ট কৰিবলগীয়া হৈছিল। সংবাদ সংস্থা পিটিআইৰ প্ৰতিবেদন অনুসৰি দিল্লী বিমানবন্দৰৰ বিষয়াসকলে বিমানসমূহ ডাইভাৰ্ট কৰাৰ বিষয়ে অৱগত কৰিছে। তেওঁলোকৰ ফালৰ পৰাও কোৱা হৈছে যে এই বিমানসমূহ কোনখন চহৰলৈ ডাইভাৰ্ট কৰা হৈছে। বিমানবন্দৰৰ এগৰাকী বিষয়াই জনোৱা মতে, জয়পুৰ, লক্ষ্ণৌ, আহমেদাবাদ আৰু অমৃতসৰ অভিমুখে বিমানসমূহ ডাইভাৰ্ট কৰা হৈছে। দিল্লী বিমানবন্দৰত পুৱা ৮.১০ বজাত ছ’চিয়েল মিডিয়া প্লেটফৰ্ম ‘এক্স’ত এক পোষ্টত প্ৰকাশ কৰা অনুসৰি বিমানবন্দৰত দৃশ্যমানতা কম হোৱাৰ বাবে প্ৰয়োজনীয় পদ্ধতি ৰূপায়ণ কৰা হয়। দিল্লী বিমানবন্দৰৰ পৰা বিমানসমূহ ডাইভাৰ্ট কৰা হৈছে। দিল্লী বিমানবন্দৰক ‘ইন্দিৰা গান্ধী আন্তঃৰাষ্ট্ৰীয় বিমানবন্দৰ’ (IGI) নামেৰেও জনা যায়। দিল্লীত শীতকাল আহি পৰিছে। ইয়াৰ লগতে কুঁৱলী আৰু প্ৰদূষণৰ প্ৰভাৱো দেখা যায়। পুৱা আৰু গধূলি দিল্লী-এনচিআৰত দেখা গৈছে শীতৰ কঠোৰতা। ভাৰতীয় বতৰ বিজ্ঞান বিভাগে জনোৱা মতে, শনিবাৰে দিল্লীৰ সৰ্বনিম্ন তাপমাত্ৰা ১২.৩ ডিগ্ৰী চেলছিয়াছ, যিটো স্বাভাৱিকতকৈ তিনি ডিগ্ৰীতকৈ বেছি। গোটেই দিনটো ৰাজধানীত পাতল কুঁৱলীৰ সৃষ্টি হ’ব। বিভাগটোৱে জনাইছে যে দিল্লীৰ সৰ্বোচ্চ উষ্ণতা প্ৰায় ২৫ ডিগ্ৰী চেলছিয়াছ হোৱাৰ সম্ভাৱনা আছে। পুৱা ৮.৩০ বজাত আৰ্দ্ৰতা ১০০ শতাংশ ৰেকৰ্ড কৰা হয়। ‘System of Air Quality and Weather Forecasting and Research’ (SAFAR) অনুসৰি দিল্লীৰ বায়ুৰ গুণাগুণ সামান্য উন্নতি হোৱা দেখা গৈছে। শনিবাৰে পুৱা দিল্লীৰ বতাহ ‘গুৰুতৰ’ৰ পৰা ‘অতি বেয়া’ শিতানত ৰেকৰ্ড কৰা হয়। দিল্লীত পুৱা ৮ বজাত AQI 364 ৰেকৰ্ড কৰা হৈছে।
#বাৰ্তা ডেস্ক