নিয়মীয়া বাৰ্তা ডিজিটেল, ১৮ ফেব্ৰুৱাৰীঃ বিজেপিৰ ৰাষ্ট্রীয় সভাপতি জে পি নাড্ডাৰ কার্যকাল ২০২৪ চনৰ জুনলৈ বৃদ্ধি কৰা হৈছে৷ জানুৱাৰী মাহত গ্রহণ কৰা এই সিদ্ধান্ত বিজেপিৰ ৰাষ্ট্রীয় পৰিষদে অনুমোদন জনোৱাত জে পি নাড্ডাৰ কার্যকাল জুনলৈ সম্প্রসাৰিত হৈছে৷ কেন্দ্রীয় গৃহমন্ত্রী অমিত শ্বাহে জানুৱাৰীত মাহত ৰাষ্ট্রীয় সভাপতি নাড্ডাৰ কার্যকাল জুনলৈ বৃদ্ধি কৰা হ’ব বুলি ঘোষণা কৰিছিল যদিও আজি দলৰ ৰাষ্ট্রীয় পৰিষদে এই সিদ্ধান্তত আনুষ্ঠানিক অনুমোদন জনায়৷ ভাৰত মণ্ডপমত চলি থকা বিজেপিৰ ৰাষ্ট্রীয় অভিৱর্তনৰ দ্বিতীয় দিনৰ কার্যসূচীত এই সিদ্ধান্ত মোহৰ লগোৱা হয়৷