বিশেষ বাৰ্তা, ২৭ নৱেম্বৰঃ আজি এক ডাঙৰ দাবী উত্থাপন কৰিলে প্ৰধানমন্ত্ৰী নৰেন্দ্ৰ মোদীয়ে। তেলেংগানাৰ মুখ্যমন্ত্ৰী কে চন্দ্ৰশেখৰ ৰাৱে বিজেপিৰ সৈতে মিত্ৰতা কৰিব বিচাৰিছিল, কিন্তু আমি এনে হ’বলৈ নিদিলোঁ বুলি চাঞ্চল্যকৰ মন্তব্য কৰে মোদীয়ে। তেলেংগানাৰ মহাবুবাবাদত নিৰ্বাচনী সভাত ভাষণ দি প্ৰধানমন্ত্ৰী মোদীয়ে কয়, ‘কেচিআৰে বিজেপিৰ ক্ৰমবৰ্ধমান শক্তি বহু আগতেই উপলব্ধি কৰিছিল। দীৰ্ঘদিন ধৰি কেচিআৰে কেনেবাকৈ বিজেপিৰ লগত বন্ধুত্ব গঢ়িবলৈ চেষ্টা কৰি আছিল। এবাৰ দিল্লীলৈ আহি কেচিআৰে মোক লগ পাই একেই অনুৰোধ কৰিছিল যদিও তেলেংগানাৰ জনসাধাৰণৰ ইচ্ছাৰ বিৰুদ্ধে বিজেপিয়ে একো কৰিব নোৱাৰে। তেওঁ আগতেও বহুবাৰ এনে দাবী কৰিছে। তেওঁ আৰু কয় যে যেতিয়াৰ পৰা বিজেপিয়ে কেচিআৰক নাকচ কৰিছে, তেতিয়াৰ পৰা ভাৰত ৰাষ্ট্ৰ সমিতিয়ে উন্মাদনাত ভুগিছে আৰু মোক গালি-গালাজ কৰাৰ কোনো সুযোগ এৰি দিয়া নাই। আমাৰ দলে তেলেংগানাক বি আৰ এছৰ কবলৰ পৰা মুক্ত কৰাটো নিজৰ দায়িত্ব বুলি গণ্য কৰে। প্ৰধানমন্ত্ৰী মোদীক লক্ষ্য কৰি তেওঁ কয় যে ইয়াত বিআৰএছৰ মুৰব্বী কেচিআৰে যি কেলেংকাৰি সংঘটিত কৰিছে, বিজেপি চৰকাৰ যদি ক্ষমতালৈ আহে তেন্তে তদন্ত কৰা হ’ব। বি আৰ এছৰ দুৰ্নীতিগ্ৰস্ত লোকক জেললৈ পঠিয়াবলৈ আমি সংকল্প লৈছোঁ। তেলেংগানাৰ জনসাধাৰণ কেচিআৰ চৰকাৰক উৎখাত কৰিবলৈ সাজু বুলি দাবী কৰে প্ৰধানমন্ত্ৰী মোদীয়ে। তেলেংগানাত কংগ্ৰেছক লৈও একাংশ লোকে বিভ্ৰান্তি বিয়পাইছে যদিও সত্যটো হ’ল তেলেংগানাক ধ্বংস কৰাত কংগ্ৰেছ আৰু কেচিআৰ সমান পাপী। এই কাৰণতে তেলেংগানাৰ মানুহে এটা বেমাৰ আঁতৰাই আন এটা বেমাৰৰ প্ৰৱেশৰ অনুমতি দিব নোৱাৰে, এই কথাটো মই ইয়াত সকলোতে দেখিছোঁ। উল্লেখ্য যে তেলেংগানাৰ বিধানসভা নিৰ্বাচনৰ ভোটদান ৩০ নৱেম্বৰত আৰু ফলাফল ঘোষণা কৰা হব ৩ ডিচেম্বৰত।
#বাৰ্তা ডেস্ক