গুৱাহাটীৰ নুনমাটিস্থিত অসম জাতীয় বিদ্যালয়ত অসমীয়া, ৰসায়ন বিজ্ঞান আৰু দর্শনশাস্ত্র বিষয়ত খালী হৈছে শিক্ষকৰ পদ৷ যোগ্য প্রার্থীৰ পৰা আবেদন আহ্বান কৰি পৰিচালনা সমিতিৰ সচিবে এক নিয়োগ বিজ্ঞাপন প্রকাশ কৰিছে৷ প্রার্থী বিজ্ঞান/কলা শাখাৰ স্নাতকোত্তৰ আৰু বিএড ডিগ্রীধাৰী হ’ব লাগিব৷ বয়স ৩১ মার্চ, ২০১৯লৈ সর্বোচ্চ ৪০ বছৰ৷ প্রার্থী অসমীয়া মাধ্যমৰ বিদ্যালয়ত শিক্ষাগ্রহণ কৰা হ’ব লাগিব৷ নিযুক্তিপ্রাপ্তই প্রবেচন পিৰিয়ডত মাহে ১৫,০০০ টকা দৰমহা লাভ কৰিব৷ আনহাতে, প্রাক্–বিদ্যালয় সহকাৰী পদৰ বাবে প্রার্থী ৫০ শতাংশ নম্বৰেৰে দ্বাদশ শ্রেণী উত্তীর্ণ হ’ব লাগিব৷ বয়স ৩১ জানুৱাৰী, ২০১৯লৈ বয়স সর্বোচ্চ ৪০ বছৰ৷ নিযুক্তিপ্রাপ্তই প্রবেচন পিৰিয়ডত মাহে ৮,০০০ টকা দৰমহা লাভ কৰিব৷ আগ্রহীসকলে নির্ধাৰিত প্র–পত্র বিদ্যালয়ৰ ৱেবছাইটwww.assamjatiyabidyalay.comৰ পৰা ডাউনলোড কৰি ল’ব পাৰিব৷ যাৱতীয় নথি–পত্রৰ প্রত্যায়িত প্রতিলিপিসহ নির্ধাৰিত আবেদন–পত্র ‘অসম জাতীয় বিদ্যালয়, নুনমাটি, গুৱাহাটী– ৭৮১০২০’ ঠিকনালৈ প্রেৰণ কৰিব লাগিব৷ আবেদন দাখিলৰ অন্তিম তাৰিখ ১০ জানুৱাৰী, ২০২০৷