ভাৰত চৰকাৰৰ যুৱ পৰিক্রমা আৰু ক্রীড়া মন্ত্রালয়ৰ অধীনস্থ এটি স্বতন্ত্র সংস্থা ভাৰতীয় ক্রীড়া প্রাধিকৰণত খালী হৈছে সহকাৰী সঞ্চালকৰ ১৯টা পদ৷ মুঠ পদৰ ভিতৰত এছ চিৰ ২টা, এছ টিৰ ১টা, অ’বিচিৰ ৩টা, অসংৰক্ষিত ১০টা আৰু আর্থিকভাৱে দুর্বল শ্রেণীৰ প্রার্থীৰ বাবে ৩টা পদ থাকিব৷ খালী পদ পূৰণ হ’বলগীয়া বিভাগসমূহ হৈছে– এথেলেটিকছ, আর্চাৰী, বেডমিণ্টন, বক্সিং, হকী, ৱেটলিফটিং, শ্বুটিং, ৰেষ্টলিং, ছুইমিং, ৰয়িং, টেবুল টেনিছ, জুডো, চাইক্লিং আৰু ফেন্সিং৷ প্রার্থী ইউপিএছচিৰ দ্বাৰা অনুষ্ঠিত অসামৰিক সেৱাৰ পৰীক্ষাত অৱতীর্ণ হোৱা হ’ব লাগিব৷ নিযুক্তিপ্রাপ্তই আকর্ষণীয় দৰমহা লাভ কৰিব৷ বয়স আবেদন গ্রহণৰ অন্তিম দিনলৈ সর্বোচ্চ ৩৫ বছৰ৷ আগ্রহীসকলে নিযুক্তিবিষয়ক সবিশেষ তথ্যৰ লগতে অনলাইনযোগে আবেদন দাখিল কৰিবলৈ বিভাগীয় ৱেবছাইটhttps://sportsauthorityofindia.nic.in/saijobs লগ–ইন কৰিব পাৰে৷ আবেদন দাখিলৰ অন্তিম তাৰিখ ১৮ জানুৱাৰী, ২০২০৷