দেশৰ আর্থিক নীতি আৰু মুদ্রা মজুত নিয়ন্ত্রণকাৰী বিত্তীয় প্রতিষ্ঠান ৰিজার্ভ বেংক অৱ ইণ্ডিয়াত মুকলি হৈছে চাকৰি লাভৰ সোণালী সুযোগ৷ অর্হতাসম্পন্ন প্রার্থীৰ পৰা আবেদন আহ্বান কৰি নিযুক্তি বিভাগৰ বিষয়াই এক বিস্তৃত নিয়োগ বিজ্ঞাপন প্রকাশ কৰিছে৷ প্রকাশিত বিজ্ঞাপনৰ তথ্য অনুসৰি খালী পদ পূৰণ হ’বলগীয়া বিভাগসমূহ হৈছে– লীগেল অফিচাৰ–গ্রেড বি (১), মেনেজাৰ–টেকনিকেল/চিভিল (২), এছিছটেণ্ট মেনেজাৰ–ৰাজভাষা (৮), এছিছটেণ্ট মেনেজাৰ–প্রট’কল এণ্ড ছিকিউৰিটী (৫) আৰু লাইব্রেৰী প্রফেছনেল্ছ–এছিছট লাইব্রেৰিয়ান (১)৷ আগ্রহীসকলে নিযুক্তি সম্পর্কীয় বিশদ বিৱৰণৰ লগতে পদৰ বাবে থাকিবলগীয়া শৈক্ষিক অর্হতা, অভিজ্ঞতা, বয়স, নিযুক্তি প্রক্রিয়াকে ধৰি অনলাইনযোগে আবেদন দাখিলৰ বাবে ৱেবছাইট www.rbi.org.in ভিজিট কৰিব পাৰে৷ আবেদন গ্রহণৰ প্রক্রিয়া অহা ৩০ ডিচেম্বৰৰ পৰা আৰম্ভ হ’ব৷ এই প্রক্রিয়া ২০ জানুৱাৰী ২০২০লৈ অব্যাহত থাকিব৷