নিয়মীয়া বাৰ্তা, ২৪ অক্টোবৰ: অৰুণাচল প্ৰদেশৰ পূৱ চিয়াং জিলাৰ অয়ানত ভয়ংকৰ পথ দুৰ্ঘটনা সংগঠিত হয় I আজি পুৱা প্ৰায় ৬-৩০ বজাত জোনাই মহকুমাৰ জোনকাৰেং, ৰাজাখানা অঞ্চলৰ পৰা অৰুণাচল প্ৰদেশৰ দঞিঃপল চাহ বাগানালৈ মহিলা শ্ৰমিক কঢ়িয়াই নিয়া AR 09 7093 নম্বৰৰ বাছ এখন অয়ানত ভয়ঙৰ দুৰ্ঘটনাত পতিত হয় I
জানিব পৰা মতে অয়ানত বিপৰীত দিশৰ পৰা অহা বলেৰ’ গাড়ীখনক পথ এৰি দিব যাওঁতে বাছখন নিয়ন্ত্ৰণ হেৰুৱাই পথৰ কাষত বাগৰি পৰে I ফলত বাছত থকা প্ৰায় ২৫ জনী মহিলা শ্ৰমিক গুৰুত্বৰভাৱে আহত হয়I সংকটজনক অৱস্থাত পাঁছ গৰাকীক উন্নত চিকিৎসাৰ বাবে ডিব্ৰুগড়লৈ পেৰণ কৰা হৈছেI বাকী কেইগৰাকীক অৰুণাচল প্ৰদেশৰ ৰুকচিনৰ দ্বীপজনী নাৰ্চিংহোম আৰু জোনাই অসমাৰিক চিকিৎসালয়ত ভৰ্তি কৰোৱা হৈছে I
ইপিনে পথ দুৰ্ঘটনাত পতিত লোকসকলক উদ্ধাৰ কৰি চিকিৎসালয়লৈ নিয়াত অয়ানৰ গাঁওৰক্ষী বাহিনী, আদি মিচিং বাঃনে কৌবাং, ছাত্ৰ সংগঠনৰ লগতে স্থানীয় ৰাইজে প্ৰশাসনক সহায় কৰে I