নিয়মীয়া বাৰ্তা, ১৫ মাৰ্চঃ মার্কিন ৰাষ্ট্রপতি ড’নাল্ড ট্রাম্পে ক’ৰোনা ভাইৰাছ মহামাৰীক ৰাষ্ট্রীয় বিপর্যয় আখ্যা দিছে৷ ৱাশ্বিংটনে এই ভাইৰাছ সংক্রমণ ৰোধ কৰাত সংগ্রাম অব্যাহত ৰাখিছে আৰু আক্রান্তসকলক সাহায্য প্রদান কৰিছে৷ ৰাষ্ট্রপতি ট্রাম্পে এই মহামাৰীৰ বিৰুদ্ধে যুঁজিবলৈ ৫০ বিলিয়ন ডলাৰ আবণ্টন দিছে৷
ইফালে, মার্কিন ৰাষ্ট্রপতিগৰাকীয়ে কয় যে তেওঁ নিজেও ক’ৰোনা ভাইৰাছৰ পৰীক্ষা কৰাব৷ যদিও তেওঁৰ শৰীৰত কোনোধৰণৰ ৰোগৰ লক্ষণ ধৰা পৰা নাই, তথাপি ৰাষ্ট্রপতিজনে নিজ শৰীৰৰ পৰীক্ষণ কৰাব৷