নিয়মীয়া বার্তা, ১৮ জুলাইঃ কলিয়াবৰ মহকুমাৰ অন্তৰ্গত তিনি নং গাখীৰখাতী আৰু মথৌখাটত আজি পৃথকে পৃথকে এগৰাকী মেধাসম্পন্ন ছাত্ৰীসহ এজন লোকৰ সলিল সমাধি ঘটে ৷জানিব পৰা মতে,তিনি নং গাখীৰখাতীৰ প্ৰনিতা ৰাজভৰ(১৮) নামৰ ছাত্ৰী গৰাকী ঘৰৰ সমীপতে আজি সন্ধিয়া ব্ৰহ্মপুত্ৰৰ বাঢ়নী পানীত পৰি সলিল সমাধি ঘটে ৷উল্লেখ্য যে,প্ৰনিতা ৰাজভৰে সদ্যঘোষিত উচ্চতৰ মাধ্যমিক চূড়ান্ত পৰীক্ষাত দুটা বিষয়ত লেটাৰ মাৰ্ক সহ প্ৰথম বিভাগত উৰ্ত্তীণ হৈছিল ৷
আনহাতে কলিয়াবৰৰ মথৌখাট নিবাসী অমৃত গয়াৰী(৪৫) নামৰ লোকজনো আজি বিয়লি প্ৰায় তিনি বজাত ভৰ পুখুৰীৰ পানীত বুৰ গৈ সলিলসমাধি ঘটে ৷