নিয়মীয়া বাৰ্তা, ২৪ মে’: ঢকুৱাখনা মহকুমাৰ ঘিলামৰা জ্যেষ্ঠ নাগৰিক সন্থা আৰু আঞ্চলিক পেঞ্চনা সন্থাৰ নিজা ভুমি ত দুয়োটা সংগঠনৰ যৌথ উদ্যোগ নিজা সংগ্রহীত পুঁজিৰে নিমার্ণ কৰিব বিচৰা এটি স্থায়ী গৃহ ৰ আধাৰ শিলা স্থাপন কৰে লখিমপুৰ জিলা পৰিষদৰ সভানেত্রী মঞ্জু বৰ গোহাঁইয়ে। ২০০১ চনতে গঠন হোৱা দুয়োটা সংগঠননে দীর্ঘদিনে এটি স্থায়ী গৃহৰ অভাবত সন্থাৰ নিজা কাযসূচী ৰূপায়ণ কৰাত অসুবিধা হৈ আহিছিল। ঘিলামৰাৰ ৰাইদঙ্গীয়াত অৱস্থিত ঘিলামৰা জ্যেষ্ঠ নাগৰিক আৰু আঞ্চলিক পেঞ্চনাৰ সন্থাৰ চৌহদত স্থায়ী গৃহৰ আধাৰ শিলা স্থাপন অনুষ্ঠানত পেঞ্চনাৰ সন্থাৰ সভাপতি- সুৰেশ্বৰ বৰা সম্পাদক, টিকেন্দ্র শইকীয়া আৰু জ্যেষ্ঠ নাগৰিক সন্মিলনৰ সভাপতি – বিপিন বৰুৱা,সম্পাদকৰ ধ্ৰুৱ কোঁৱৰকে ধৰি ঘিলামৰা গাও পঞ্চায়তৰ সভানেত্রী দীপাঞ্জলী গগৈ, বৰদৈবাম গাও পঞ্চায়তৰ সভাপতি বিমান গগৈ, দেৱলীয়া গাও পঞ্চায়তৰ সভাপতি দিলীপ বৰাৰ লগতে অঞ্চলটোৰ ভালে সংখ্যক জ্যেষ্ঠ নাগৰিক আৰু চৰকাৰী পেঞ্চনাৰ সকলো উপস্থিত থাকে।
প্ৰেৰক ঃ ৰাজেশ বুঢ়াগোহাঞি