নিয়মীয়া বাৰ্তা :- ২০ মে :- নকল সোণৰ বিৰুদ্ধে অসম আৰক্ষী সষ্টম হোৱাৰ সময়তে নগাঁও জিলাৰ চামগুৰি আৰক্ষী থানাৰ আৰক্ষীয়ে আজি পুৱতি নিশা কনুৱামাৰী অঞ্চলত অভিযান চলাই নকল সোণৰ ব্যৱসায়ৰ লগত জড়িত দুজন লোকক আটক কৰিবলৈ সক্ষম হয় ৷ জানিব পৰা মতে চামগুৰি আৰক্ষী থানাৰ আৰক্ষীয়ে আজি পুৱতি নিশা কনুৱামাৰী অঞ্চলত নকল সোণৰ বিৰুদ্ধে অভিযান চলাই ৷ পৰৱৰ্তী সময়ত আৰক্ষীৰ দলটোৱে নকল সোণৰ ব্যৱসায়ৰ লগত জড়িত কনুৱামাৰি অঞ্চলৰ মকচিদুল হ’ক (২২) আৰু জন্নতুল হ’ক (২১)নামৰ দুজন লোকক আটক কৰে বুলি আৰক্ষীৰ এক সুত্ৰই জানিবলৈ দিয়ে ৷ আজি পুৱতি নিশা আৰক্ষীয়ে আটক কৰা নকল সোণৰ ব্যৱসায়ৰ লগত জড়িত থকা লোক দুজনক আজি বিয়লি নগাঁও আদালতত হাজিৰ কৰাই জেল হাজোতলৈ প্ৰেৰণ কৰে বুলি জানিব পৰা গৈছে ৷