নিয়মীয়া বাৰ্তা, ১৯ডিচেম্বৰ: আজি তিনিচুকীয়াৰ হোটেল মিৰানাত অইল ইণ্ডিয়া লিমিটেডৰ অইল জীৱিকা প্ৰকল্পৰ এক শুভ উদ্বোধনী অনুষ্ঠানৰ আয়োজন কৰে ৷ অইল ইণ্ডিয়া লিমিটেডৰ মুখ্য আৱাসিক বিষয়া প্ৰশান্ত বৰকাকতিৰ লগতে অইল ইণ্ডিয়া লিমিটেডৰ বহুকেইগৰাকী বিভাগৰ বিষয়াৰ উপস্থিতিত অনু্ষ্ঠিত অনুষ্ঠানটোৰ জৰিয়তে আগন্তুক দিনসমূহত কেইবাটাও অইল অধ্যুষিত অঞ্চলত সাঙুৰি প্ৰকল্পৰ পৰিকল্পনা কৰাৰ কথা অৱগত কৰে। এইসন্দৰ্ভত অইলৰ মুখ্য আৱাসিক বিষয়া প্ৰশান্ত বৰকাকতিয়ে কেইবাটাও অইল অধ্যুষিত অঞ্চলৰ কৃষক, সচেতন ৰাইজক উদ্দেশ্যি বক্তব্য দাঙি ধৰি এয়া এক সপোনৰ পৰিকল্পনা বুলি জানিব দিয়ে আৰু কয় যে, নিজৰ প্ৰতিভাৰ জৰিয়তে সকলোৱে জীৱিকা লাভ কৰিব পাৰিব ৷ আমি যদি যিকোনো কাম নিয়াৰিকৈ কৰিব পাৰো ফলাফল নিশ্চয় পাম ৷ আমাৰ হাতত থকা সম্পদসমূহ উপস্থাপন কৰিব পাৰিব লাগিব ৷ আজিৰ দিনত আমাৰ ঘৰৰ হাঁজ, খৰিচা, কমলাৰ লগতে সকলো আমাৰ সম্পদ ৷ আমি অকল তেল উলিয়াম তেনে নহয়, স্থানীয় ৰাইজক আগুৱাই লৈ যাব লাগিব ৷ অইল আপোনালোকৰ উদ্যোগ ৷ এই কাম সকলোৱে নিষ্ঠাৰে কৰক ৷ এয়া এক আন্দোলন হওক ৷ চাৰিবছৰৰ পাছত যাতে সকলোৱে স্বাৱলম্বী হয়। এগৰাকী মহিলাই ঘৰৰ সকলো কাম কৰিও তাঁতশালত তাঁত বয়, গতিকে সকলোৱে সমাজৰ লগতে উদ্যোগৰ ক্ষেত্ৰতো আগুৱাই লৈ যাওক ৷
প্ৰেৰক:- বিবেক বড়া