নিয়মীয়া বাৰ্তা, ১১ এপ্রিল: কালি নিশা দুলীয়াজান টিপলিং অঞ্চলত সংঘটিত এক পথ দূৰ্ঘটনাত শোকাৱহ মৃত্যু ঘটে এজন যুৱকৰ। নিহত যুৱকজন চলাকটকীৰ বিকাশপুৰৰ লক্ষীকান্ত শইকীয়া (৩১) বুলি জানিব পৰা গৈছে। ঘটনাৰ প্ৰাপ্ত খৱৰ অনুসৰি নিশা প্ৰায় ১০ বজাত যুৱকজনে এ এছ ০৬ এন ৮৮২৯ নম্বৰৰ নিজা i২২০ পালচাৰ বাইকেৰে ঘৰলৈ গৈ থকা অৱস্থাত টিপলিং তিনিআলিৰ নিচেই সমীপতে হঠাৎ বাইকৰ নিয়ন্ত্ৰণ হেৰুৱাই পথতে বাগৰি পৰে। পাছত গুৰুতৰভাৱে আঘাতপ্ৰাপ্ত যুৱকজনক আৰক্ষীৰ সহযোগত অইল মেডিকেলত ভৰ্তি কৰা হয় যদিও অৱশেষত চিকিৎসালয়তে যুৱকজনে শেষ নিশ্বাস ত্যাগ কৰে বুলি আৰক্ষীয়ে জানিবলৈ দিছে।