নিয়মীয়া বাৰ্তা, ২০জুনঃ আজি ধুবুৰী পৌৰসভা এলেকাৰ বিভিন্ন অঞ্চল ভ্ৰমণ কৰি চহৰখনৰ বান পৰিস্থিতিৰ বুজ লয় ৰাজ্যসভাৰ সাংসদ পৱিত্ৰ মাৰ্ঘেৰিটা আৰু বিজেপিৰ ৰাজ্যিক সাধাৰণ সম্পাদক পুলক গোঁহাইয়ে। চহৰখনৰ ২নং ৱাৰ্ডৰ বাৱ পৰিস্থিতিৰ বুজ লোৱাৰ পিছত ১২নং ৱাৰ্ডলৈ ব্ৰহ্মপুত্ৰৱ বাঢ়নি পানীয়ে প্লাৱিত কৰা অঞ্চলসমূহলৈ গৈ বানাক্ৰান্ত স্থানীয় ৰাইজৰ অভাৱ–অভিযোগসমূহৰ বুজ লয় দলটেৱে। পিছত সাংবাদিকৰে হোৱা কথা–বতৰাত বিজেপিৰ ৰাজ্যিক সম্পাদক গোঁহাইয়ে ধুবুৰীৰ ১২নং ৱাৰ্ডৰ জলমগ্ন হোৱা পৰিয়ালবোৰক আশ্ৰয় শিৱিৰলৈ স্থানান্তৰিত কৰি ত্ৰাণ সামগ্ৰী বিতৰণৰ বাবে যাৱতীয় ব্যৱস্থা ল’বলৈ প্ৰশাসনক নিৰ্দেশ দিয়া বুলি অৱগত কৰে। দলৰ নিৰ্দেশ অনুসৰি বানাক্ৰান্ত ৰাইজৰ বুজ লোৱাৰ উপৰিও সঠিক ভাৱে ত্ৰাণ সামগ্ৰী দিয়া হাছে নে নাই সেয়া নীৰিক্ষণ কৰিবলৈ ধুবুৰীৰ উপৰি পশ্চিম বিলাসীপাৰা, গোৱালপাৰা আদি বিভিন্ন. স্থানলৈ অহা বুলিও দোহাৰে ৰাজ্যিক সম্পাগকগৰাকীয়ে। আজি বানাক্ৰান্তৰ খৱৰ ল’বলৈ অহা ৰাজ্যসভাৰ সংসদ পৱিত্ৰ মাৰ্ঘেৰিটা আৰু বিজেপিৰ ৰাজ্যিক সম্পাদক গোঁহাইৰ ধুবুৰী ভ্ৰমণ কালত ধুবুৰী পৌৰসভাৰ অধ্যক্ষ ডা৹ দেৱময় সান্ন্যাল, ধুবুৰী জিলা বিজেপিৰ ভাৰপ্ৰাপ্ত সভাপতি প্ৰসেনজিৎ দত্ত, দলটোৰ ৰাজ্যিক কাৰ্যনিৰ্বাহকৰ সদস্য দীপক কুমাৰ সাহাকে ধৰি বিজেপিৰ অন্যান্য স্থানীয় কাৰ্য্যকৰ্তাসকলে সংগ দিয়ে।