ধুবুৰীত সীমান্ত চেতনা মঞ্চ পূৰ্বোত্তৰৰ বিশেষ প্ৰবোধন কাৰ্য্যসূচী; উপস্থিত থাকিব ড৹ কুলদীপ চান্দ অগ্নিহোত্ৰী
- মুখ্য বক্তাৰূপে উপস্থিত থাকিব বিশিষ্ট শিক্ষাবিদ তথা হিমাচল প্ৰদেশ কেন্দ্ৰীয় বিশ্ববিদ্যালয়ৰ প্ৰাক্তন উপ–কুলপতি ড৹ কুলদীপ চান্দ অগ্নিহোত্ৰী
নিয়মীয়া বাৰ্তা, ১০ ছেপ্টেম্বৰ: অহা ১২ ছেপ্টেম্বৰৰ দিনা সীমান্ত চেতনা মঞ্চ পূৰ্বোত্তৰৰ ধুবুৰী নগৰ সমিতিৰ উদ্যোগত ধুবুৰীস্থ জিলা পুথিভঁৰাল প্ৰেক্ষাগৃহত আয়োজিত এক প্ৰৱোধনত মুখ্য বক্তাৰূপে উপস্থিত থাকিব হিমাচল প্ৰদেশ কেন্দ্ৰীয় বিশ্ববিদ্যালয়ৰ প্ৰাক্তন উপ–কুলপতি ড৹ কুলদীপ চান্দ অগ্নিহোত্ৰী। দেশৰ সকলো নাগৰিকৰ মনত সীমা সুৰক্ষাৰ প্ৰতি সচেতনতা বৃদ্ধি কৰাৰ উদ্দেশ্যেৰে আয়োজিত ‘সীমা সুৰক্ষা, ৰাষ্ট্ৰীয় সুৰক্ষা আৰু নাগৰিকৰ কৰ্তৱ্য’ শীৰ্ষক সেই প্ৰৱোধন কাৰ্য্যসূচী সিদিনা (১২ ছেপ্টেম্বৰ) সন্ধিয়া ৬টা বজাৰ পৰা অনুষ্ঠিত হ’ব বুলি উদ্যোক্তা গোষ্ঠীৰ তৰফৰ পৰা জনোৱা হৈছে।