নিয়মীয়া বাৰ্তা, ২৯ জুন::নুমলীগড় তেল শোধনাগাৰত পৰিশোধিত তেল সমূহ ৰেলযোগে সৰবৰাহ কৰি অহাৰ সময়তেই আজি পুৱাৰ ভাগত খুমটাই সমিপৰ বগৰীয়নি এলেকাত ৰেল পথটো ছিগি পৰাত শোধনাগাৰৰ পৰা তেল বুজাই কৰি লৈ অহা ৰেলখন সৌভাগ্য ক্ৰমে ভয়ানক দূৰ্ঘটনাৰ ৰক্ষা পৰে।স্থানীয় লোকে ৰেল পথটো ছিগি থকা প্ৰত্যক্ষ কৰি খুমটাই আৰক্ষী চকীত খবৰ দিয়াৰ লগতে সংকেত দি ৰেলখন ৰখাবলৈ সক্ষম হয়।যাৰ বাবে ৪৮টা তেল ভৰ্তী টেংকাৰ সহ ৰেলখন নিশ্চিত বিপদৰ পৰা ৰক্ষা পৰিল।অবশ্যে কি বিজুতিৰ ঠাইবোৰত ৰেলপথটো ছিগি গৈছিল সেয়া জানিব পৰা হোৱা নাই।ঘটনাৰ সন্দৰ্ভত আৰক্ষীয়ে তদন্ত অব্যাহত ৰখিছে।