নিয়মীয়া বাৰ্তা, ৩১ অক্টোবৰঃ ধুবুৰী জিলাৰ চাপৰ থানাৰ অন্তৰ্গত কাজিপাৰা নিবাসী মৰহুম মুছা সেখৰ পুত্ৰ সাহিবুল হক আজি বঙাইগাঁও জিলাৰ বিজনীত টেট পৰীক্ষা দিবলৈ গৈ দুৰ্ঘটনাত আহত হয়। প্ৰাপ্ত বাতৰি মতে সাহিবুল হকে আজি পুৱা টেট পৰীক্ষা দিয়াৰ উদ্দেশ্য বিজনিলৈ গৈছিল। প্ৰথম পৰ্যায়ৰ পৰীক্ষা দিয়াৰ পিছত দুপৰীয়াৰ আহাৰ খাই দ্বিতীয় পৰ্যায়ৰ পৰীক্ষা দিবলৈ যাওতে AS 17 K-1871 নম্বৰৰ বাইক আৰু ই-ৰিক্সাৰ মাজত সংঘৰ্ষ হোৱাত হক চিটকী গৈ এটি বৈদ্যুতিক পৰিবাহী খুটাত খুন্দা মাৰে। স্হানীয় ৰাইজে ততালিকে বিজনী চিকিৎসালয়ত ভৰ্তি কৰায় যদিও উন্নত চিকিৎসাৰ বাবে বঙাইগাঁও হাস্পতাললৈ প্ৰেৰণ কৰে।
Input: আতিকুল হুছেইন