নিয়মীয়া বাৰ্তা, ৪ জুলাইঃ বিগত সময়ছোৱাত ড্ৰাগছৰ বিৰুদ্ধে কঠোৰ অভিযান অব্যাহত ৰখা বোকাজান আৰক্ষীয়ে আজি নিচেই পুৱা অভিযান চলাই হেৰʼইনসহ এজন যুৱকক আটক কৰিবলৈ সক্ষম হয়। প্ৰাপ্ত তথ্য অনুসৰি, এক নিৰ্ভৰযোগ্য সূত্ৰে লাভ কৰা তথ্যৰ ভিত্তিত বোকাজান আৰক্ষী থানাৰ অন্তৰ্গত সৰিয়হজানস্থিত সঞ্জীৱ ৰংপি নামৰ যুৱকজনৰ ঘৰত আজি নিচেই পুৱা প্ৰায় চাৰি বজাত আৰক্ষীয়ে তালাচী চলাই ১.৭৯ গ্ৰাম হেৰʼইন আৰু নগদ ১.৫২ লাখ টকা উদ্ধাৰ কৰে। আৰক্ষীয়ে সঞ্জীৱ ৰংপিকো আটক কৰি সোধ পোছ অব্যাহত ৰখাৰ লগতে জব্দকৃত ড্ৰাগখিনিৰ বজাৰমূল্য আনুমানিক প্ৰায় ১০ হাজাৰ টকা বুলি জানিব পৰা গৈছে।