নিয়মীয়া বাৰ্তা, ২৫ ফেব্ৰুৱাৰীঃ ছয়গাঁৱত চাঞ্চল্যকৰ ঘটনা। বোমাৰ আতংকত আত্মহত্যা এজন লোকৰ। মৃত লোকজনৰ নাম বুদ্ধেশ্বৰ চৌধুৰী। কিছুদিনৰ আগতে এই লোকজনৰ ঘৰত আক্ৰমণ কৰিছিল দুৰ্বৃত্তই আৰু এৰি থৈ গৈছিল ৫টাকৈ বোমা। তাৰপিছতো বিভিন্ন ভয়-ভাবুকিৰ সন্মুখীন হৈছিল বুদ্ধেশ্বৰ চৌধুৰী।
এই সন্দৰ্ভত পৰিয়ালৰ লোকে থানাত এজাহাৰ দাখিল কৰিছিল আৰু এজাহাৰতেই অভিযুক্তৰো নাম উল্লেখ কৰিছিল পৰিয়ালটোৱে। কিন্তু ৰহস্যজনকভাৱে আৰক্ষীয়ে কোনো ব্যৱস্থা গ্ৰহণ নকৰাৰ অভিযোগ পৰিয়ালটোৰ সদস্যৰ।