নিয়মীয়া বাৰ্তা, ২০ ফেব্ৰুৱাৰীঃ বিশিষ্ট লেখিকা বিনীতা বৰুৱাৰ প্ৰথম খন উপন্যাস ‘আকাশী গংগা বিচাৰা নাই’ কালি মঙলদৈত উন্মোচন কৰা হয় । কালি বিয়লি দৰং জিলা সাহিত্য সভা ভৱনত অনুষ্ঠিত এক গাম্ভীৰ্যপূৰ্ণ অনুষ্ঠানত উপন্যাস খন উন্মোচন কৰে ‘দৌৰংগ বাৰ্তা’ৰ সম্পাদক শংকৰ কাকতীয়ে । দৰং জিলা সাহিত্য সভাৰ সভাপতি শৈলেন কুমাৰ ৰাজবংশীৰ পৌৰোহিত্যত অনুষ্ঠিত অনুষ্ঠানত কৈলাশ চন্দ্ৰ শৰ্মাৰ ‘অনন্য অভিজ্ঞতাৰে’ আৰু বিশিষ্ট লেখিকা দিপালী বৰুৱাৰ ‘কমতা কোঁৱৰ’ শীৰ্ষক গ্ৰন্থ দুখনো কালি উন্মোচন কৰা হয় । উন্মোচনী অনুষ্ঠানত মঙলদৈ মহাবিদ্যালয়ৰ অৱসৰী অধ্যাপক ড: শচীন চন্দ্ৰ চহৰীয়া, ছিপাঝাৰ জনতা মহাবিদ্যালয়ৰ অধ্যক্ষ হৰেণ ডেকাকে ধৰি ভালে সংখ্যক বিশিষ্ট ব্যক্তি উপস্থিত থাকে ।
প্ৰেৰকঃ ধীৰেন মহলীয়া