মাজবাট থানাৰ বিশেষ সফলতাঃ ১নং চিকাৰীডাংগাত পুটি থোৱা অৱস্থাত বৃহত অস্ত্র ভাণ্ডাৰ উদ্ধাৰ

নিয়মীয়া বাৰ্তা,৩০ অক্টোৱৰ : দুৰ্গা পূজা ,কালী পূজা ,দিপাৱলী ,ষট পূজা , শ্ৰীকৃষ্ণ ৰাসলীলাৰ আনন্দ উল্লাহৰ মাজতেই এক গোপন খবৰৰ ভিত্তিত ২৯ অক্টোৱৰৰ নিশা ওডালগুৰি জিলাৰ অতিৰিক্ত আৰক্ষী অধীক্ষক বিদ্যুত দাস বড়ো আৰু মাজবাট থানাৰ ভাৰপ্রাপ্ত আৰক্ষী বিষয়া ৰাজীৱ গোহাঁইৰ নেতৃত্বত যোৱা অসম পুলিছ ৰেঞ্জৰ গ্রুপৰ দলে অসম ,অৰুনাচল প্রদেশ আৰু ভূটানৰ সীমান্তৱৰ্তী ১নং চিকাৰীডাংগাৰ জংগলৰ মাজত মাটিত পুটি থোৱা অৱস্থাত এক বৃহত অস্ত্র ভাণ্ডাৰ উদ্ধাৰ কৰিবলৈ সক্ষম হয় | উদ্ধাৰ হোৱা অস্ত্র ভাণ্ডাৰত এ কে ৪৭ তিনিটা ,মেগজিন ৬ টা , বুলেট ৬২০টা পোৱা গৈছে | বৰ্তমানলৈ কোনো ব্যক্তিক গ্রেপ্তাৰ কৰা নাই যদিও আৰক্ষীৰ অনুসন্ধানৰ সুবিধাৰ বাবে ইয়াৰ সৈতে জড়িত ব্যক্তি সকল আৰু তেওঁলোক কোনটো বিপ্লৱী সংগঠনৰ সদস্য ইত্যাদি প্রকাশ কৰাৰ পৰা বিৰত আছে অসম আৰক্ষী।