নিয়মীয়া বাৰ্তা, ৩ জানুৱাৰীঃ সমগ্ৰ ৰাজ্যৰ লগতে মৰিগাঁও জিলাটো আজিৰ পৰা ১৫ ৰ পৰা ১৮ বছৰ বয়সৰ ছাত্ৰ-ছাত্ৰীক কভিড ভেকচিন প্ৰদানৰ কায্যসূচীৰ শুভাৰম্ভ হৈ। মৰিগাঁৱৰ শংকৰ মাধৱ উচ্চতৰ মাধ্যমিক বিদ্যালয়ত আজি এই কায্যসূচীৰ শুভাৰম্ভ কৰে মৰিগাঁও জিলাৰ উপায়ুক্ত প্ৰকাশ ৰঞ্জন ঘৰফলীয়াই। অতিৰিক্ত উপায়ুক্ত ৰিং খাং মোচাহাৰীৰ উপস্থিতিত অনুষ্ঠিত হোৱা এই অনুষ্ঠানত জিলাখনৰ প্ৰতিগৰাকী বয়স যোগ্য ছাত্ৰ-ছাত্ৰীক কোনো শংকা নোহোৱাকৈ ভেকচিন গ্ৰহণৰ বাবে আহ্বান জনায় জিলা উপায়ুক্ত প্ৰকাশ ৰঞ্জন ঘৰফলীয়াই। আজি দিনটোত জিলাখনৰ ৮০১১ শিক্ষাৰ্থীক ভেকচিন প্ৰদানৰ লক্ষ্যৰে এই অনুষ্ঠানৰ শুভাৰম্ভ হয়।