নিয়মীয়া বাৰ্তা, ৯অক্টোবৰঃ ৰঙিয়াৰ মুৰাৰা বিষ্ণুপুৰত লক্ষ্মী পূজা মহোৎসৱৰ ৰূপালী জয়ন্তী বৰ্ষ পালন কৰা হয় । এই উপলক্ষে দেওবাৰে পুৱাৰ ভাগত ধৰ্মীয় শোভাযাত্ৰা উলিওৱা হয় । এই শোভাযাত্ৰা উদ্বোধন কৰে সমাজকৰ্মী পাৰুল ভৰালী বড়োৱে । এই শোভাযাত্ৰাত শতাধিক মহিলা আৰু যুৱতীয়ে অংশগ্ৰহণ কৰে । ইয়াৰ পূৰ্বে ধৰ্মীয় পতাকা উত্তোলন আৰু বৃক্ষৰোপণ কাৰ্যসূচী অনুষ্ঠিত কৰা হয় । শোভাযাত্ৰাৰ পিছতেই স্থানীয় আই-মাতৃ সকলৰ নাম প্ৰসংগ অনুষ্ঠিত হয় । মুৰাৰাত অনুষ্ঠিত লক্ষ্মী পূজা মহোৎসৱৰ এই বছৰ ৰূপালী জয়ন্তী বৰ্ষ উপলক্ষে অঞ্চলটোত এক আনন্দমুখৰ পৰিবেশে বিৰাজ কৰে ।