নিয়মীয়া বাৰ্তা, ১৬ডিচেম্বৰ: ৰঙিয়া আৰক্ষীৰ জালত দুই চিলনী চোৰ । ডিমুত এগৰাকী কলেজীয়া ছাত্ৰীৰ পৰা বেগ কাঢ়ি নিছিল দুই চিলনী চোৰে । আৰক্ষীয়ে অভিযান চলাই ঘটনাত জড়িত দুজন চিলনী চোৰক আটক কৰিবলৈ সক্ষম হয় । দুৰ্বৃত্ত দুজন হৈছে পূৱ কনিহাৰ চইফুল হক আৰু বামুণগাঁৱৰ পাপু আলী । দুয়োজনৰ পৰা পালচাৰ মটৰ চাইকেল আৰু ছাত্ৰী গৰাকীৰ পৰা কাঢ়ি নিয়া মোবাইল , নগদ ধনসহ বেগ উদ্ধাৰ কৰে আৰক্ষীয়ে । অধিক তথ্যৰ বাবে আৰক্ষীয়ে জেৰা অব্যাহত ৰাখিছে ।
প্ৰেৰক:- ফাৰুক হুছেইন ।