নিয়মীয়া বাৰ্তা, ১৫ জানুৱাৰীঃ ৰূপহীহাটৰ শিঙিমাৰীত আজি পুৱা এক ভয়ংকৰ পথ দুৰ্ঘটনা সংঘটিত হয়৷ এএছ-০২-এছ-৯৮৮৬ নম্বৰৰ এখন তীব্ৰ বেগী এল্টো বাহনে নিয়ন্ত্ৰণ হেৰুৱাই পথচাৰীক খুন্দা মৰাৰ ফলত সংঘটিত হয় পথ দুৰ্ঘটনাটি ৷ উক্ত পথ দুৰ্ঘটনাত আহত হয় এজন পথচাৰী৷ আহত হোৱা পথচাৰীজন কাৱৈমাৰীৰ আলাল উদ্দিন৷ আহত হোৱা আলাল উদ্দিনক ৰাইজৰ তৎপৰতাত প্ৰথমে শিঙিমাৰী প্ৰাথমিক স্বাস্থ্য কেন্দ্ৰত ভৰ্তি কৰোৱা হয় যদিও অৱস্থা অতি সংকটজনক হোৱাত উন্নত চিকিৎসাৰ বাবে নগাঁও মেডিকেল কলেজলৈ প্ৰেৰণ কৰে ৷ ঘটনাস্থলীত ৰূপহীহাট আৰক্ষী উপস্থিত হৈ তদন্ত আৰম্ভ কৰিছে৷
প্ৰেৰক জহিৰুল ইছলাম