বিশেষ বাৰ্তা, ১ জানুৱাৰী : ইংৰাজী নৱবৰ্ষৰ প্ৰথমটো পুৱাই সোণাৰিত সংঘটিত হল এক ভয়ংকৰ পথ দুৰ্ঘটনা। পথৰ দাঁতিত ৰখাই থোৱা ৰুলাৰত খুন্দিওৱাৰ ফলত থিতাতে নিহত এজন লোকৰ। দুৰ্ঘটনাত পতিত আন এজন যুৱকক সংকটজনক অৱস্থাত চৰাইদেউ জিলা চিকিৎসালয়ত ভৰ্তি কৰোৱা হৈছে। আজি পুৱা প্ৰায় ৬ বজাত সোণাৰিৰ ৰজাপুখুৰীত সংঘটিত হয় এই ভয়ংকৰ দুৰ্ঘটনাটো। AS03AA7096 নম্বৰৰ এখন বাইকত তীব্ৰ বেগেৰে অহা সৰুকণ বসুমতাৰী (২৫) নামৰ যুৱকজন থিতাতে নিহত হয়। গুৰুতৰভাৱে আহত যুৱকজনৰ নাম মাধৱ বসুমতাৰী (২৮) বুলি জানিব পৰা গৈছে। ঘন কুঁৱলীৰ বাবেই ৰ’ড ৰুলাৰখনত খুন্দিওৱাৰ সন্দেহ কৰা হৈছে।
প্ৰেৰক দীপাংকৰ পাল