নিয়মীয়া বাৰ্তা ২১ জুলাইঃ চিচিবৰগাঁৱৰ এজন যুৱক বিগত ৫ বছৰে নিৰুদ্দেশ হৈ থকা ঘটনাই সমগ্ৰ অঞ্চলজুৰি তীব্ৰ চাঞ্চল্যৰ সৃষ্টি কৰিছে। প্ৰাপ্ত বিৱৰণী অনুসৰি, চিচিবৰগাঁও আৰক্ষী চকীৰ অন্তৰ্গত গড়মৰা ৰহঢলা গাঁৱৰ নিৱাসী হৰেন চুতীয়াৰ পুত্ৰ খগেন চুতীয়াই(২০) ২০১৫ বৰ্ষতে কেৰালালৈ কৰ্মসূত্ৰে বুলি ওলাই যায়। ইয়াৰ পিছতে যোৱা ৩ টা বছৰে পৰিয়ালৰ সৈতে সন্ধানহীন যুৱক খগেনে মাক- দেউতাকৰ সৈতে যোগাযোগ ৰাখে যদিও বিগত আঢ়ৈ বছৰত কোনোধৰণৰ খা- খবৰ পোৱা নাই যাৰ বাবে পৰিয়ালৰ লোকসকল এতিয়া চিন্তিত হৈ পৰিছে। প্ৰথম অৱস্থাত পৰিয়ালৰ লোকে বন্ধু-বান্ধৱী, আত্মীয় স্বজনৰ লগতে বিভিন্ন ঠাইত প্ৰায় ৭ ফুট ওখ- মাগুৰবৰণীয়া খগেনক বিচাৰিছিল যদিও কোনো ধৰণৰ সন্ধান লাভ কৰিবলৈ সক্ষম নহ’ল। অৱশেষত উপায়ন্তৰ হৈ মাতৃ নিৰুমাই চুতীয়াই আজি চিচিবৰগাঁও আৰক্ষীৰ কাষ চাপে বুলি মাতৃয়ে সাংবাদিকক সদৰী কৰিছে। লগতে কোনো সদাশয় ব্যক্তিয়ে খবৰ পালে ৯৬৭৮৬৩৭৫৮১ নম্বৰত যোগাযোগ কৰিবলৈ অনুৰোধ জনাইছে।