নিয়মীয়া বাৰ্তা, ২৩ এপ্ৰিলঃ আমচৈ ৰাজ্যিক চিকিৎসালয় সূত্ৰে জানিব পৰা মতে আজি ২৩ এপ্ৰিলত আমচৈ অঞ্চলত পুনৰ ওলাইছে ক’ৰোনা আক্ৰান্ত । ইয়াৰ ভিতৰত বেলতলা গাঁৱত তিনি গৰাকী, আমচৈ চাহ বাগিচাত এজন, চহৰী গাঁৱত এজন, ডালিমবাৰীত দুজন, গছ পৰা গাঁৱত তিনিজন আৰু হাটবৰত দুজন । এই সকলো আক্ৰান্তক সামৰি আজিলৈকে আমচৈ অঞ্চলত ক’ৰোনা আক্ৰান্তৰ সংখ্যা ২১জনলৈ বৃদ্ধি পালে । নগাঁও জিলা স্বাস্হ্য বিভাগে আজি আমচৈ চাহ বাগিচাত বিশেষ ক’ৰোনা পৰীক্ষা শিবিৰ পাতি আমচৈ চাহ বাগিচাৰ মুঠ ১৯০ জনৰ পৰীক্ষা কৰে যদিও মাত্ৰ এজনহে ক’ৰোনা আক্ৰান্ত ওলায় ।