নিয়মীয়া বাৰ্তা, ১২ জুন : বাঘজান কাণ্ডত কৰ্মৰত অৱস্হাত প্ৰাণ হেৰুওৱা অইলৰ অগ্নিনিৰ্বাপক সেৱা বাহিনীৰ কৰ্মচাৰী তিখেশ্বৰ গোহাঁই আৰু দূৰ্লভ গগৈক সুঁৱৰি গভীৰ শ্ৰদ্ধাঞ্জলি জ্ঞাপন কৰে অসম জাতীয়তাবাদী যুৱ ছাত্ৰ পৰিষদৰ ১ নং দুলীয়াজান গাওঁ শাখা সমিতিয়ে ।
আজি দুই গৰাকী নিষ্ঠাবান কৰ্মচাৰীৰ আত্মাৰ সদগতি কামনা কৰি স্হানীয় হৰিহৰ পথৰ সন্মুখত বন্তি প্ৰজ্বলন আৰু মাল্যাপৰ্ণ কৰে সংগঠনৰ সদস্যসকলে ।
শ্ৰদ্ধাঞ্জলি কাৰ্যসূচীত উপস্থিত থাকে অসম জাতীয়তাবাদী যুৱ ছাত্ৰ পৰিষদ ডিব্ৰুগড় জিলা প্ৰচাৰ সম্পাদক প্ৰাঞ্জল ৰাজকোঁৱৰ, শাখা সমিতিৰ সভাপতি পংকজ গগৈ, উপসভাপতি ৰিজু গগৈ, উপদেষ্টা দিগন্ত দিহিংগীয়া প্ৰমুখ্যে বৃহত্তৰ অসমীয়া মহিলা মঞ্চৰ ১নং দুলীয়াজান গাওঁ শাখা সমিতিৰ সভানেত্ৰী স্বৰ্ণলতা বৰুৱা, ভাদৈ মডেল ইংলিছ স্কুলৰ অধ্যক্ষ সুনিল বৰগোহাঁই ।
