নিয়মীয়া বাৰ্তা ১৮ জুনঃ চিৰাং জিলাৰ বিজনীৰ নিকটবৰ্তী কাৱাটীকাত বৃহস্পতিবাৰে নিশা কাৱাটীকাৰ নিবাসী দিল ইচলামৰ পুত্ৰ আব্দুল গনিৰ(২৩) ঘৰত অভিযান চলাই আৰক্ষীয়ে ৭০.৩৩ মি:গ্ৰা ড্ৰাগছ জব্দ কৰে । আৰক্ষীয়ে এক গোপন খবৰৰ পমখেদি আব্দুল গনিৰ ঘৰত অভিযান চলাই জব্দ কৰে নিষিদ্ধ ড্ৰাগছ । অতিৰিক্ত আৰক্ষী অধীক্ষক প্ৰকাশ মেধীৰ নেতৃত্বত আৰু মহকুমা আৰক্ষী বিষয়া শেখৰজ্যোতি ৰয়ৰ সহযোগত ড্ৰাগছ বিৰোধী অভিযান চলাই ড্ৰাগছসহ ড্ৰাগছ সৰবৰাহকাৰী আব্দুল গনিক আটক কৰি বিজনী থানালৈ লৈ আনে।